Amerika maxsus xizmatlari sobiq xodimi Edvard Snouden Google’ning yangi Allo messenjerini “o‘chirib tashlashga va ishlatmaslikka” chaqirdi. Ushbu dasturning xavfliligi haqida u o‘z Twitter’ida ma’lum qildi.
Snoudenning so‘zlariga ko‘ra, Google’ning dasturi har bitta yuborilgan xabarni yozib oladi va foydalanuvchi ma’lumotlarini politsiya so‘rovi bo‘yicha taqdim etadi. “Allo’dan foydalanmang”, — deb yozdi u.
21-sentabr kuni ishga tushirilgan Allo messenjeriga foydalanuvchilar muloqotini kuzatib, uni keyinroq tahlil qilish uchun saqlab qo‘yadigan bot o‘rnatilgan. Google’dagilar bu dasturni foydalanuvchilar uchun yanada qulayroq qilish imkonini berishini aytdi.
The Independent yozishicha, avvalroq kompaniya foydalanuvchilarning maxfiy yozishmalari vaqtinchalik saqlanishini va ma’lum muddatdan so‘ng o‘chirilishini ta’kidlagan edi. Ammo Google qarorini o‘zgartirib, endi foydalanuvchilarning barcha suhbatlarini yozib olmoqchi va saqlab qo‘ymoqchiligi ma’lum bo‘ldi.
“Biz foydalanuvchilarga Google Allo’dagi o‘z ma’lumotlari ustidan nazoratni berib qo‘ydik, — dedi Google vakili. — Bizning yondashuvimiz oddiy — yozishmalar tarixi siz uni o‘chirishga qaror qilmaguningizcha, siz uchun saqlanib turadi”.
Free for download today: Google Mail, Google Maps, and Google Surveillance. That's #Allo. Don't use Allo. https://t.co/EdPRC0G7Py
— Edward Snowden (@Snowden) September 21, 2016
Izoh (0)