2011-yildan beri davom etayotgan Suriyadagi mojaro qurbonlari soni 300 ming kishidan oshdi. Bu haqda BMT bosh kotibi Pan Gi Mun tashkilot Xavfsizlik kengashi vazirlar yig‘ilishidagi chiqishi davomida ma’lum qildi, deya xabar beradi “TASS”.
“300 mingdan ortiq suriyalik o‘ldirildi, mamlakat aholisining yarmi qochishga majbur bo‘ldi, infratuzilmalarning aksariyat qismi vayronaga aylandi”, — dedi Pan Gi Mun.
“Dunyo yetakchilari Suriya fojiasi ro‘y berganidan uyalishi kerak. Umumiy aybdorlik hissi ushbu kengashning har bir a’zosini ta’qib etishi lozim”, — deya ta’kidladi BMT rahbari.
Bosh kotibga ko‘ra, Suriya hukumati inson huquqlarini ayovsiz poymol qilgan, biroq muxolifatchi guruhlar ham ulardan qolishgani yo‘q. Shu bois mamlakatdagi vaziyat Gaagadagi xalqaro jinoiy sud tomonidan ko‘rib chiqilishi zarur.
Izoh (0)