Farg‘ona viloyatida pasport tartibini buzgan 201 nafar chet el fuqarosi O‘zbekistondan chiqarib yuborildi
Farg‘ona viloyatida o‘tkazilgan pasport tartibi tekshiruvlarida 201 nafar chel el fuqarosi va fuqaroligi bo‘lmagan shaxslar qoida buzgani aniqlandi va mamlakat hududidan chiqarib yuborildi. Bu haqda “1news.uz” xabar bermoqda.
“Postda” nashrining bildirishicha, tekshiruvlarda 23 mingdan ziyod qoidabuzar shaxs aniqlanib, ularga nisbatan chora ko‘rilgan. Jumladan, aniqlangan kamchiliklar yuzasidan davlat idoralari rahbarlaridan 158 nafariga chora qo‘llanilgan.
Xabarda qayd etilishicha, yangi biometrik pasportning joriy etilishi ko‘plab jinoyatlarning tez fursatda fosh etilishi va qidiruvdagi shaxslarning qisqa paytda qo‘lga olinishiga imkon bermoqda.
Ayni paytda Farg‘ona viloyatining 75 foiz aholisi yangi biometrik pasport olib bo‘lgani ta’kidlanmoqda.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
