O‘zbekiston Prezidenti vazifasini bajaruvchi Shavkat Mirziyoyev 18-sentabr, yakshanba kuni Yunusobod tumani hokimligida Toshkent shahri va tumanlari hokimliklari, boshqa mutasaddi idoralar rahbarlari va faollari ishtirokida yig‘ilish o‘tkazdi. Bu haqda “Toshkent oqshomi” gazetasi xabar bermoqda.
Yig‘ilishda Toshkentdagi ko‘p qavatli uylarni hamda ijtimoiy soha ob’ektlarini kuzgi-qishki mavsumga tayyorlash, turar joylar yo‘laklarini aholi uchun har tomonlama qulay tarzda ta’mirlash, yon-atrofini obodonlashtirish va ko‘kalamzorlashtirish, mahalla va mavze hududlarida ozodalikni ta’minlash, bolalar va sport maydonchalarini qurish ishlari atroflicha va tanqidiy tahlil qilindi.
Shuningdek, aholiga yanada zamonaviy sharoitlar yaratish, savdo madaniyatini oshirish, savdo majmualarida oilalar va bolalarning dam olishi uchun qulayliklarni kengaytirish masalalariga alohida e’tibor qaratildi.
Yig‘ilishda Toshkent shahrida pasport-viza rejimiga rioya qilinishi hamda uy-joy fondidan foydalanish holatini o‘rganish bo‘yicha Idoralararo komissiya a’zolarining hisobotlari tinglandi.
Bu boradagi ishlarni tizimli ravishda davom ettirish, mahalla raislari, profilaktika inspektorlari va boshqa mas’ul xodimlar hamkorligini muvofiqlashtirish va yanada mustahkamlash zarurligi alohida ta’kidlandi. Tegishli vazirlik va idoralar, huquqni muhofaza qiluvchi organlarga olib borilayotgan ishlar samaradorligini oshirish yuzasidan aniq topshiriq va ko‘rsatmalar berildi.
Toshkent shahar hokimligi va tumanlar rahbariyati zimmasiga qayd etilgan kamchiliklarni bartaraf etish, kuzgi-qishki mavsumga har tomonlama puxta tayyorgarlik ko‘rish, aholi uchun yanada qulay shart-sharoitlar yaratish, bunyodkorlik va obodonlashtirish ishlari bo‘yicha belgilangan dasturlarni o‘z vaqtida va sifatli tarzda amalga oshirish vazifasi yuklatildi.
Shavkat Mirziyoyev Toshkent metrosining “Yunusobod” yo‘nalishidagi ikkita bekatda qurilish ishlarini yakunlash yuzasidan topshiriq berdi
Shavkat Mirziyoyev ishtirokidagi yig‘ilishda Toshkentning Mirzo Ulug‘bek tumani hokimi lavozimidan ozod etildi
Toshkentda shaharning Yunusobod va Mirzo Ulug‘bek tumanlarini tutashtiruvchi yangi yo‘l quriladi
Shavkat Mirziyoyev Toshkentning “Novza” metro bekati oldida boshlangan yangi yo‘l o‘tkazgich qurilishi bilan tanishdi
Izoh (0)