O‘zbekistonda yangi Uzbekneftegaz360 loyihasi ishga tushirildi. U 360 darajali panoramali foto va videomateriallar yordamida mamlakat bo‘ylab virtual sayohat uyushtirish imkoniyatini beradi, deb xabar qiladi UzDaily.
Dastur Dinara & Co nashr uyi jamoasi tomonidan ishlab chiqilib, “O‘zbekneftgaz” milliy xolding kompaniyasining “Bunyodkorlik quvvati: O‘zbekiston neft-gaz sohasining eng yangi tarixi” loyihasi doirasida ishga tushirildi.
Dastur yordamida 100 dan ortiq video va foto fayllariga ega bo‘lish mumkin. Neft qazib olish va qayta ishlash jarayonlaridan tashqari, foydalanuvchi ijtimoiy infrastruktura, shahar manzaralari, ijtimoiy, madaniy va sport obyektlari bilan tanishish imkoniga ega bo‘ladi.
Materialni smartfon va planshetlarda oddiy rejimda ko‘rish mumkin. Virtual reallik ko‘zgulari (VR) yordamida esa video va foto ichiga “kirib ketish” mumkin.
Barcha platformalarda ishlashga mo‘ljallangan dasturni AppStore, PlayMarket do‘konlari orqali, shuningdek, “O‘zbekneftgaz”ning rasmiy saytidan ko‘chirib olish mumkin.
Izoh (0)