Bangladeshda sodir bo‘lgan ikki yo‘l-transport hodisasida kamida 13 kishi halok bo‘ldi, 30 dan ortiq kishi jarohat oldi. Bu haqda “TASS” xabar bermoqda.
Birinchi avtohalokat 16-sentabr, juma kuni ertalab poytaxt Dakka yaqinida ro‘y berdi. Tikuvchilik fabrikasi ishchilarini tashiydigan avtobus haydovchi tezlikni oshirishi va boshqaruvni yo‘qotishi tufayli ag‘darilib ketdi. Hodisa joyida uch kishi hayotdan ko‘z yumdi, yo‘lda olib ketilayotganda yana ikki kishi olamdan o‘tdi, 28 kishi kasalxonaga yotqizildi.
Shu kunning o‘zida Dakka atrofida avtobus va mikroavtobus ro‘parama-ro‘para to‘qnashishi tufayli 8 kishi halok bo‘ldi, uch kishi og‘ir yaralandi. Qurbonlarning barchasi mikroavtobus yo‘lovchisi bo‘lgan. Politsiya halokatga mazkur transport vositasi haydovchisining yo‘lning qarama-qarshi tomoniga chiqishi sabab bo‘lgan deb hisoblamoqda.
Izoh (0)