Britaniyaning The Citizens Advertising Takeover Service (Fuqarolar tomonidan reklamani egallab olish xizmati, qisqacha — CATS) guruhi London metrosining Klepxem-Kommon bekatida reklama joylarini sotib oldi va ularga mushuklarning suratlarini joylashtirdi, deya xabar bermoqda Meduza.
Faollar 68 ta reklama plakatini almashtirdi. Buning uchun ular kraudfanding yordamida 23 ming funt-sterlingdan ortiq (taxminan 30 ming dollar) miqdorida pul to‘plagan.
CATS — Glimpse ijodiy guruhining loyihasi bo‘lib, u “o‘z qobiliyatlaridan yaxshi ishlarda foydalanish istagidagi ijodkor kishilarni” birlashtirgan.
Glimpse asoschisi Jeyms Tyornerning ta’kidlashicha, bu mushuklar yemagi brendi yoki yangi serial reklamasi emas: “Mazkur aksiya ortida turganlar — Kickstarter orqali pul to‘plagan ko‘ngillilardir. Biz odamlar olamga boshqacha nazar solishlarini va uni o‘zgartirish imkoni borligini his qilishlarini istaymiz”.
“Dastlab reklama plakatlari o‘rniga yoqimtoy mushukchalarning suratlarini joylashtirish ko‘zda tutilgan edi. Biroq CATS vakillari o‘ylab ko‘rib, boshpanaga muhtoj jonivorlarning suratlaridan foydalanishga qaror qildi”, — deyiladi Metro nashri xabarida.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)