2016-yil 1-oktabrdan Toshkentda markaziy isitish tizimi va issiq suv ta’minoti narxlari oshadi. Bu haqda “Toshissiqquvvati” korxonasi ma’lumotiga tayanib, UzDaily xabar berdi.
Toshkent aholisi uchun 1-oktabrdan markaziy isitish tizimi uchun bir oylik tarif turar-joy kvadrat metri uchun 1 169,7 so‘mdan 1 263,35 so‘mga oshiriladi.
Issiq suv ta’minoti uchun yangi tarif hisoblagichsiz kishi boshiga 14 593,56 so‘mni tashkil etadi (hozir 13 511,73 so‘m).
Hisob uskunasi bo‘lgan taqdirda issiq suv ta’minoti kubometriga 3 736,92 so‘mni (amaldagi tarif — 3 459,9 so‘m) tashkil qiladi.
Eslatib o‘tamiz, bundan avval isitish tizimi va issiq suv tariflari 2016-yilning aprelida oshirilgan edi.
Izoh (0)