O‘zbekiston Respublikasi Intellektual mulk agentligi Yagona interaktiv davlat xizmatlari portalida ikki yangi xizmatni ishga tushirdi. Bu haqda Norma xabar bermoqda.
Ulardan biri integral mikrosxemalar topologiyasi huquqiy himoyasini ta’minlash uchun guvohnoma so‘rash, ikkinchisi esa seleksiya yo‘nalishidagi yutuqlar uchun patent olishga buyurtma berish imkoniyatini tug‘diradi.
Guvohnoma berish xizmati yuridik va jismoniy shaxslarga ko‘rsatiladi. Buning uchun tegishli hujjatlar taqdim etiladi va ko‘rsatilgan xizmat uchun eng kam ish haqining 2,4 barobarida haq olinadi. Buyurtmaning ko‘rib chiqish muddati 2 oy.
Seleksiya yo‘nalishidagi yutuqlar uchun patent olishga buyurtma berish xizmati ham yuridik va jismoniy shaxslarga ko‘rsatiladi. Buyurtmachi hujjatlarni taqdim etganidan so‘ng ariza bergani uchun eng kam ish haqining 1, yangilikni ekspertizadan o‘tkazish uchun yana 1, sinovlar o‘tkazish uchun 4, chop etish, ro‘yxatdan o‘tkazish va patent berish 2,2 barobari miqdorida haq to‘lash talab etiladi. Talabnomani ko‘rib chiqish muddati ikki oy.
Izoh (0)