Apple kompaniyasi 9-sentabr kuni birinchi to‘lqin mamlakatlarida iPhone 7 va 7 Plus uchun oldindan buyurtmalar qabul qilishni boshladi, deb yozadi “Hi-tech.mail.ru”. Ammo yangi “qora oniks” (Jet Black) rangidagi smartfonlar darhol, bir necha soatlar ichida sotilib ketdi.
Orqa paneli jiloli bo‘lgan “qora oniks” rangidagi iPhone 7 va 7 Plus modellari eng talabgir smartfonlar bo‘lib chiqdi. Oldindan buyurtma boshlangach, yarim soatdan so‘ng AQShda noyabrda yetkazib berish sharti bilan Jet Black telefonlarni xarid qilish mumkin bo‘ldi.
Eslatib o‘tamiz, Apple kompaniyasi yangi — iPhone 7 va 7 Plus smartfonlarini, shuningdek, Apple Watch 2 “aqlli” soatini rasman taqdim etdi. Smartfonning ranglari qatoriga Black — jiloli qora va Jet Black qoplamasi qo‘shildi, u antennalar ko‘rinmasligini ta’minlaydi.
Keyinroq Apple yangi “qora oniks” (Black Jet) rang yechimidagi smartfonlar oson tirnaladigan bo‘lib chiqqanini ma’lum qildi.
Izoh (0)