Samsung kompaniyasi Xitoydagi rasmiy saytida buklama formatdagi yangi Galaxy Folder 2 smartfoni haqida ma’lumot e’lon qildi, deb yozadi “Hi-tech.mail.ru”.
Yangi telefon displeyi zamonaviy o‘lchovlar bo‘yicha juda kichik — bor-yo‘g‘i 3,8 dyuym. Tashqi jihatdan buklama qurilma Galaxy J arzon liniya smartfonlarini eslatadi.
Galaxy Folder 2 to‘rt yadroli Snapdragon 425 protsessori, 3,8 dyuymli va 480×800 pikselli ekran, 1950 mA/soat sig‘imli akkumulyator, 16 Gb ichki va 2 Gb tezkor xotira, 8 megapikselli asosiy va 6 megapikselli old kameraga ega.
Qurilma Android 6.0.1 Marshmallow operatsion tizimida ishlaydi.
Smartfonning rasmiy narxi e’lon qilinganicha yo‘q, ammo uning 300 dollar atrofida sotuvga chiqishi kutilmoqda.