LeakedSource insayder resursi administratorlariga Rambler pochtasining qariyb 100 millionta akkaunti haqidagi axborotni o‘z ichiga olgan ma’lumotlar bazasini qo‘lga kiritdi, deb yozadi “Hi-tech.mail.ru”. Damp (ma’lumotlar nusxasi)ning haqiqiyligini “Xakep.ru” tasdiqladi.
Bazaning dampi 2012-yil 17-fevralda qilingan, ammo ko‘plab parollar haligacha aktual bo‘lishi mumkin. Uni daykalif@xmpp.jp pochtasining egasi taqdim etdi.
Baza pochta manzillari va parollar, shuningdek, foydalanuvchilar nomlari va ICQ raqamlarini o‘z ichiga oladi.
Dampni buzib ochishga ham to‘g‘ri kelmadi — barcha axborot ochiq edi. Bazadagi ma’lumotlar shifrlanmagan va xeshlanmagan holda, oddiy matnli faylda saqlangan.
Ma’lumotlar bazasining haqiqiyligini tekshirish maqsadida mutaxassislar akkauntlar egalari bilan bog‘landi va ularga parollarning birinchi harflarini aytdi, Ular bunga javoban, qolgan harflarni ko‘rsatdi. O‘g‘irlangan akkauntlar egalarining ba’zilari bu parollardan 1—2 yil avval foydalanganini ta’kidladi.
“Xakep.ru” 100 millionta akkauntdan iborat bazaga asoslanib, eng ommabop parollar ro‘yxatini tuzdi va ular ushbu bazada necha marta uchraganini qayd etdi.
- asdasd - 723,039 marta
- asdasd123 - 437,638 marta
- 123456 - 430,138 marta
- 000000 - 346,148 marta
- 666666 - 249,812 marta
- 654321 - 242,503 marta
- cfreyjdf - 237,009 marta
- 123321 - 236,871 marta
- 555555 - 230,453 marta
- 123123 - 222,983 marta
Izoh (0)