Xitoyning Meizu kompaniyasi yangi metall smartfonni taqdim etdi, deb yozadi “Hi-tech.mail.ru”. Baquvvat va arzon Meizu Max katta ekranga ega bo‘ldi, uning diagonali 6 dyuymga teng.
Meizu Max’ning dizayni 2016-yilgi Melian oilasidagi smartfonlarnikiga o‘xshash — aylana burchaklar, metall orqa korpus, qo‘sh yorug‘lik diodli vspishkaga ega yirik kamera. Unumdorligi ham munosib — yuqori ish ko‘rsatkichlarini Helio P10 chipseti va 3 Gb tezkor xotira ta’minlaydi.
Smartfonga, shuningdek, 64 Gb ichki xotira (128 gigabaytgacha microSD), 6 dyuymli va 1920×1080 pikselli ekran, 13 megapikselli asosiy va 5 megapikselli old kamera, 4100 mA/soat sig‘imli akkumulyator (chiqarib olinmaydi) o‘rnatildi.
Qurilma Android 6.0.1 Marshmallow asosidagi Flyme OS 5.2 qobig‘ida ishlaydi. O‘lchamlari 163,3×81,6×7,9 millimetrga, og‘irligi esa 189 grammga teng.
Meizu Max Xitoyda sotuvga chiqib bo‘ldi. Smartfon narxi — 1699 yuan (taxminan 260 dollar).
Izoh (0)