LeakedSource инсайдер ресурси администраторларига Rambler почтасининг қарийб 100 миллионта аккаунти ҳақидаги ахборотни ўз ичига олган маълумотлар базасини қўлга киритди, деб ёзади «Hi-tech.mail.ru». Дамп (маълумотлар нусхаси)нинг ҳақиқийлигини «Xakep.ru» тасдиқлади.
Базанинг дампи 2012 йил 17 февралда қилинган, аммо кўплаб пароллар ҳалигача актуал бўлиши мумкин. Уни daykalif@xmpp.jp почтасининг эгаси тақдим этди.
База почта манзиллари ва пароллар, шунингдек, фойдаланувчилар номлари ва ICQ рақамларини ўз ичига олади.
Дампни бузиб очишга ҳам тўғри келмади — барча ахборот очиқ эди. Базадаги маълумотлар шифрланмаган ва хешланмаган ҳолда, оддий матнли файлда сақланган.
Маълумотлар базасининг ҳақиқийлигини текшириш мақсадида мутахассислар аккаунтлар эгалари билан боғланди ва уларга паролларнинг биринчи ҳарфларини айтди, Улар бунга жавобан, қолган ҳарфларни кўрсатди. Ўғирланган аккаунтлар эгаларининг баъзилари бу пароллардан 1—2 йил аввал фойдаланганини таъкидлади.
«Xakep.ru» 100 миллионта аккаунтдан иборат базага асосланиб, энг оммабоп пароллар рўйхатини тузди ва улар ушбу базада неча марта учраганини қайд этди.
- asdasd - 723,039 марта
- asdasd123 - 437,638 марта
- 123456 - 430,138 марта
- 000000 - 346,148 марта
- 666666 - 249,812 марта
- 654321 - 242,503 марта
- cfreyjdf - 237,009 марта
- 123321 - 236,871 марта
- 555555 - 230,453 марта
- 123123 - 222,983 марта
Изоҳ (0)