Bugun,

  • USD 11014.01
  • RUB 191.8
  • EUR 10674.78

Yaponiyaning Kansai Electric Power (KEPCO) kompaniyasi mutaxassislari Fukui prefekturasidagi “Takaxama” atom elektr stansiyasi uchinchi reaktoridan yadroviy yonilg‘ini chiqarib olishni boshladi. “TASS” axborotiga ko‘ra, 157 ta yonilg‘i tayoqchalari 7-sentabrga qadar reaktordan chiqarib olinadi.

Foto: Yahoo! News

Foto: Yahoo! News

“Takaxama”ning uchinchi reaktori 2016-yil yanvarida qayta ishga tushirilgan edi, biroq mahalliy aholining da’vosini qondirgan sud qaroriga muvofiq u 10-mart kuni yana o‘chirildi.

Stansiya yaqinida istiqomat qiluvchi odamlarning fikricha, inshoot kuchli zilzila va sunamilarga yetarlicha tayyorlanmagan, shuningdek, favqulodda vaziyat yuz berganida aholini xavfsiz hududga ko‘chirish bo‘yicha batafsil rejalar yo‘q.

“Fukusima-1” AESda 2011-yili yuz bergan avariyaga qadar, Yaponiyada ishlab chiqariladigan elektr energiyaning 30 foizi atom quvvatlariga to‘g‘ri kelardi. Avariyadan so‘ng asosiy yuklama issiqlik elektr stansiyalariga tushdi.

Hozirgi vaqtda Yaponiya hukumati AESlar faoliyatini bosqichma-bosqich qayta tiklash rejalarini ishlab chiqish harakatida, biroq mamlakatning aksariyat aholisi bu tashabbusga qarshi.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.

Izoh
Asosiy yangiliklar
Madaniyat
Instagram: Ustozlarini tabriklayotgan mashhurlar, onasiga qo‘shni bo‘layotgan Nilufar Usmonova, Ziyodaning volidasiga atalgan syurprizi
Sport
A Seriya. “Roma” Eldor Shomurodov maydonga tushmagan o‘yinda “Inter”ni mag‘lub etdi
Dunyo
Nikaragua hukumati Niderlandiya bilan diplomatik munosabatlarni uzdi