IShID terrorchilik tashkiloti Suriya shimolidagi Xaseke shahrida yuz bergan qo‘poruvchilik harakati uchun javobgarlikni o‘z zimmasiga oldi. “RIA Novosti” axborotiga ko‘ra, shaharda 5-sentabr kuni yuz bergan portlash oqibatida besh kishi halok bo‘lgan.
Suriyada dushanba kuni ketma-ket portlashlar yuz berdi — Tartus, Xoms va Xaseke shaharlarida, shuningdek, poytaxt Damashq ostonasida qo‘poruvchilik harakatlari amalga oshirildi. So‘nggi ma’lumotlarga ko‘ra, barcha portlashlar oqibatida halok bo‘lganlar soni 40 nafardan oshib ketgan.
Xasekedan boshqa shaharlarda yuz bergan portlashlar uchun hozircha hech bir terrorchi guruh javobgarlikni o‘z zimmasiga olgani yo‘q.
Suriyada 2011-yil martidan beri qurolli nizo davom etmoqda. BMT ma’lumotlariga ko‘ra, mamlakatda to‘qnashuvlar boshlanganidan beri 220 mingdan ortiq odam halok bo‘lgan.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)