Xitoy va gonkonglik akyor Jeki Chan kinematografga qo‘shgan katta hissasi uchun “Oskar” faxrli mukofotini qo‘lga kiritadi, deya xabar bermoqda Variety. Mukofotni topshirish marosimi 12-noyabr kuni Los-Anjelesda bo‘lib o‘tadi.
Chan bilan birga, mukofotga rejissor Frederik Uayzman, montajchi Enn Kouts va aktyorlarni tanlash bo‘yicha rejissor Linn Stalmaster loyiq deb topildi.
62 yoshli Jeki Chan — dunyodagi eng mashhur jangari filmlar aktyorlaridan biri. U “Tig‘iz payt”, “Dunyo bo‘ylab 80 kun”, “Burgut soyasidagi ilon” kabi yuzdan ortiq filmlarda suratga tushgan. Aktyor asosan komediyali va jangari filmlarda o‘ynaydi, jang sahnalarini esa mustaqil o‘ynashni afzal ko‘radi.
Izoh (0)