AQSh prezidentligi lavozimiga Respublikachilar partiyasidan nomzod Donald Tramp Meksika prezidenti Enrike Penya Nyeto bilan uchrashdi va ikki mamlakat chegarasida devor qurish g‘oyasini muhokama qildi. Bu haqda Reuters agentligi ma’lumotiga tayanib, “RBK” xabar berdi.
“Donald Tramp bilan suhbat boshida men Meksika devor uchun pul sarflamasligini ochiq-oydin aytdim”, — deb yozdi Meksika rahbari Twitter’dagi sahifasida.
Tramp chegara devori qiymati masalasi Meksika prezidenti bilan keyingi uchrashuvlarda muhokama etilishini aytib o‘tdi. Respublikachining matbuot kotibi Jeyson Miller bu muzokaralar bo‘lmaganligiga ishontirdi.
Reuters’ning ma’lum qilishicha, meksikaliklarning aksariyatini Trampning tashrifi g‘azablantirgan. Bunga Trampning ularni zo‘ravonlar va giyohvandlik moddalari savdogarlari deb atagani sabab bo‘lgan. Mamlakat aholisi AQSh prezidentligiga nomzod ulardan uzr so‘rashini kutgan, biroq bu yuz bermagan.
Izoh (0)