АҚШ президентлиги лавозимига Республикачилар партиясидан номзод Дональд Трамп Мексика президенти Энрике Пенья Ньето билан учрашди ва икки мамлакат чегарасида девор қуриш ғоясини муҳокама қилди. Бу ҳақда Reuters агентлиги маълумотига таяниб, «РБК» хабар берди.
«Дональд Трамп билан суҳбат бошида мен Мексика девор учун пул сарфламаслигини очиқ-ойдин айтдим», — деб ёзди Мексика раҳбари Twitter’даги саҳифасида.
Трамп чегара девори қиймати масаласи Мексика президенти билан кейинги учрашувларда муҳокама этилишини айтиб ўтди. Республикачининг матбуот котиби Жейсон Миллер бу музокаралар бўлмаганлигига ишонтирди.
Reuters’нинг маълум қилишича, мексикаликларнинг аксариятини Трампнинг ташрифи ғазаблантирган. Бунга Трампнинг уларни зўравонлар ва гиёҳвандлик моддалари савдогарлари деб атагани сабаб бўлган. Мамлакат аҳолиси АҚШ президентлигига номзод улардан узр сўрашини кутган, бироқ бу юз бермаган.
Изоҳ (0)