Turkiya tomonidan olib borilayotgan Suriya shimolidagi Jarablus viloyatini IShID jangarilaridan tozalash operatsiyasi doirasida turk maxsus bo‘linmalari Suriya hududiga kirdi. Bu haqda “Interfaks” xabar bermoqda.
Manbalarga ko‘ra, turk qo‘shinlarining quruqlikdagi operatsiyasi hali boshlanmadi, biroq chegarada bunga tayyorgarlik ko‘rilmoqda.
Oldinroq Turkiya artilleriyasi xalqaro koalitsiya bilan birgalikda o‘tkazilayotgan operatsiya davomida Jarablusga zarbalar bergan va aviaparvozlarni amalga oshirgandi. Artilleriya Jarablusdagi 63 ta marraga jami 224 marotaba zarba bergani bildirilmoqda.
Izoh (0)