Rio—2016 Olimpiadasida 49 kilogrammgacha bo‘lgan bokschilar o‘rtasidagi bahslarda oltin medalni qo‘lga kiritgan Hasanboy Do‘stmatov Janubiy Afrikaning Golden Gloves promouterlik kompaniyasi bilan shartnoma imzoladi va professional bokschiga aylandi. Bu haqda ESPN telekanaliga tayanib, UZ24 xabar bermoqda.
Kkelishuv tafsilotlari hozircha oshkor etilmayapti.
Golden Gloves rahbari Rodni Bermanning so‘zlariga ko‘ra, Do‘stmatov professional ringdagi birinchi jangini joriy yilning dekabrida JARda o‘tkazadi. 2017-yilda esa uning ishtirokida 3 ta jang rejalashtirilgan.
Eslatib o‘tamiz, Do‘stmatov Muhammadqodir Abdullayevdan keyin boks bo‘yicha Olimpiada oltin medalini qo‘lga kiritgan ikkinchi bokschi bo‘ldi. Oltin medal yo‘lida Hasanboy barcha to‘rtta jangni hakamlarning yakdil qarori bilan o‘z foydasiga hal qildi.
Izoh (0)