Anqara Yevropa ittifoqiga 2023-yilda qo‘shilishni ko‘zda tutmoqda. Bu haqda Turkiyaning Yevroittifoqdagi doimiy vakili Selim Yenel Germaniyaning Die Welt gazetasiga bergan intervyusida ma’lum qildi, deb yozadi “Interfaks”.
“Turkiya Respublikasiga 100 yil to‘lgan vaqtda. Shunday onda Yevropa ittifoqi a’zosiga aylanish mening mamlakatim uchun toj kiyishdek bo‘lardi”, — dedi diplomat.
U Yevroittifoqning to‘la huquqli a’zosi maqomi Turkiya uchun muhim ekanligini ta’kidladi.
Elchi Germaniya kansleri Angela Merkelni va Yevropaning yetakchi rahbarlarini 15-iyuldagi davlat to‘ntarishiga urinishdan so‘ng demokratiyaga ko‘mak bildirish uchun Turkiyaga taklif qildi.
Izoh (0)