Dunyoning eng yirik brendlari va hatto bir nechta shaharlar donorlik va qon yetishmasligi muammolariga e’tibor qaratishga bag‘ishlangan jahon aksiyasiga qo‘shilib, o‘z nomlaridagi A, B va O harflarini vaqtincha olib tashladi, deb yozadi TJournal.
#MissingType xeshtegi ostida o‘tayotgan aksiyani Britaniyaning Engine Group PR-agentligi London qon quyish markazi (NHS Blood and Transplant) bilan hamkorlikda o‘ylab topdi. U 16—21-avgust kunlari bo‘lib o‘tadi va 21 ta mamlakatni qamrab olib, dunyoning eng yirik donorlik markazlarini birlashtiradi.
Kampaniyada ishtirok etish uchun, uning mualliflari ijtimoiy tarmoqlardagi nikneymlardan A, B va O harflarini (qon guruhlarini bildiruvchi xalqaro belgilar) vaqtinchalik o‘chirib tashlashga chaqirmoqda. Kampaniyaning rasmiy shiori quyidagicha: “As, Os va Bs’siz biz hech kimmiz. Ochiq joylarni to‘ldirishga yordam bering”.
Harakatga ko‘plab yirik xalqaro korporatsiyalar qo‘shildi hamda o‘z logotip va nomlaridagi tegishli harflarni olib tashladi.
Kampaniyada nafaqat brendlar, balki Amsterdam va Toronto kabi shaharlar ham ishtirok etdi.
Avstraliyada esa teleboshlovchilar ism-shariflari va yangilik titrlaridagi A, B va O harflarini olib tashlashdi.
Izoh (0)