AQSh prezidentligiga Respublikachilar partiyasidan nomzod Donald Tramp mamlakatdagi joriy saylovoldi kampaniyasi boshidan buyon birinchi marta qiziqqonlik bilan o‘ylamay gapirib yuborishini va bundan afsuslanishini omma oldida tan oldi. Bunday bayonot bilan u Shimoliy Karolina shtatidagi Sharlott shahrida chiqish qildi, deb yozadi “TASS”.
“Ba’zan bahs qiziganida bir vaqtning o‘zida ko‘plab muammolarga e’tibor qaratib, to‘g‘ri so‘zni tanlab ololmaysan yoki noto‘g‘ri narsani aytib qo‘yasan. Menda bunday holat bo‘lgan, — dedi milliarder. — Xoh ishoning, xoh ishonmang, men bundan afsuslanaman. Ayniqsa, bu kimgadir qattiq tegishi mumkin bo‘lgan holatlardan afsusdaman”.
Shu bilan birga u saylovchilarga yuzlanib, ularga rost so‘zlashga va’da berdi. Tramp, shuningdek, bundan keyin o‘zini siyosiy boadablik doirasi bilan chegaralash niyatida emasligini qo‘shib qo‘ydi. “Bilasizki, men siyosatchi emasman, bu esa yaxshi, men biznes sohasida ishlab, ajoyib kompaniya, ko‘plab ish o‘rinlari yaratdim, tumanlarni qayta tikladim, bu bilan butun umr shug‘ullandim”, — dedi respublikachi.
Amerikaning CNN telekompaniyasi ushbu so‘zlarni Tramp “uzr so‘rashni o‘z ichiga olmaydigan uslubini buzdi” deb baholadi. “Trampning afsus bildirishi u 14 oydan buyon olib borayotgan strategiyasidagi keskin burilishdir”, — deya ta’kidladi CNN.
Izoh (0)