Angliyaning “Manchester Yunayted” klubi shartnoma imzolagan Pol Pogba o‘z vaqtida uning jamoadan ketishiga yo‘l qo‘yib bergan Aleks Fergyuson haqida fikr bildirdi.
“Men Fergyusonni juda hurmat qilaman”, — deb Sky Sports’ga asoslanib Pogbadan iqtibos keltirgan “Championat.asia”. — “U buyuk mutaxassis. Fergyuson bilan hech qanday muammo bo‘lmagan”.
“Men maydonga ko‘proq tushishni istardim, u esa buni erta deb hisoblagan. Kutishga tayyor emasdim. Shu sabab yo‘llarimiz ayrildi. Biroq u bilan ishlash tajribasi menga ko‘p narsa berdi. Yana uchrashamiz deb umid qilaman”, — deb ta’kidlagan Pol Pogba.
Qayd etish kerak, Pogba “Yuventus” safiga aynan “Yunayted” orqali yo‘l olgan bo‘lib, oradan uch yil o‘tgach sobiq klubi uni rekord darajadagi summa — 105 million yevroga sotib oldi.
Izoh (0)