Eron xavfsizlik kuchlari tomonidan Karmonshoh viloyatida o‘tkazilgan operatsiya natijasida 7 nafar terrorchi o‘ldirildi, yana uch nafari qo‘lga olindi. Bu haqda Tasnim agentligiga tayanib, “TASS” xabar bermoqda.
“Karmonshoh shahriga uch nafar jangaridan iborat buzg‘unchi guruh suqilib kirgani haqida ma’lumot olindi. Otishma davomida maxsus bo‘linma xudkush kamarlari borligi aniqlangan barcha jangarilarni yo‘q qildi”, — deya ta’kidlagan viloyat politsiyasi boshlig‘i polkovnik Manuchehr Omonollohiy.
16-avgust, seshanba kuni viloyatning shimoli-g‘arbida ro‘y bergan boshqa to‘qnashuv chog‘ida to‘rt nafar terrorchi o‘ldirildi, uch kishi qo‘lga olindi. Viloyat gubernatori Asadulla Razoniyga ko‘ra, mazkur guruh IShID bilan bog‘liq bo‘lgan.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)