O‘zbekistonning ba’zi hududlarida 16-avgust, seshanba kuni yog‘ingarchilik, momaqaldiroq va kuchli shamol kuzatilishi mumkin. Bu haqda “O‘zgidromet” markazi xabar bermoqda.
Xabar berishlaricha, seshanbaga o‘tar kechasi O‘zbekistonning tog‘li hududlarida havo harorati +13...+18 daraja, Toshkent shahrida +18...+20 daraja, qolgan hududlarda +23...+25 darajagacha iliq bo‘ladi.
16-avgust kuni kunduzi mamlakatning tog‘li joylarida havo harorati +22...+27 daraja, Toshkent shahrida +33...+35 daraja, Farg‘ona vodiysi viloyatlarida +31...+36 daraja, qolgan hududlarda +37...+38 darajagacha issiq bo‘ladi.
“O‘zgidromet” ma’lumotiga ko‘ra, 16-avgustga o‘tar kechasi va 16-avgust kuni kunduzi O‘zbekistonning tog‘li hududlarida, Toshkent, Samarqand, Jizzax, Sirdaryo, Andijon, Namangan, Farg‘ona viloyatlari va Toshkent shahrida qisqa muddatli yomg‘ir, momaqaldiroq kuzatilishi, shamolning tezligi soniyasiga 17—20 metrgacha kuchayishi mumkin.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)