Toshkentda qurilish: Muqimiy — Shota Rustaveli chorrahasidagi yo‘l o‘tkazgichga yoritkich ustunlari o‘rnatila boshlandi
Facebook’dagi “Molodaya fotografiya Uzbekistana” guruhida Toshkentdagi Muqimiy — Shota Rustaveli chorrahasidagi yo‘l o‘tkazgich qurilishining yangi suratlari e’lon qilindi.
Suratlarning bir qismi ko‘prik inshootining ustida olingan bo‘lib, unda asosiy obyekt qariyb tayyor bo‘lganini, umumiy to‘rt harakatlanish bo‘lagidan iborat yo‘l o‘rtadan ajratilib, unga yoritkich ustunlari o‘rnatilayotganini ko‘rish mumkin.
Bundan tashqari, chorraha yaqinidagi piyodalarning yer usti o‘tish yo‘li qurilishi ham yakuniy bosqichga kirgan — ko‘prikning asosi qurib bo‘lingan, zinalari o‘rnatilgan.
Yo‘l o‘tkazgichga yondosh hududlar obodonlashtirish, ulardagi obyektlarni ta’mirlash ishlari jadal davom etmoqda. Barcha qurilish ishlari sentabrda yakunlanishi ko‘zda tutilgan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)