Ўзбекистоннинг баъзи ҳудудларида 16 август, сешанба куни ёғингарчилик, момақалдироқ ва кучли шамол кузатилиши мумкин. Бу ҳақда «Ўзгидромет» маркази хабар бермоқда.
Хабар беришларича, сешанбага ўтар кечаси Ўзбекистоннинг тоғли ҳудудларида ҳаво ҳарорати +13...+18 даража, Тошкент шаҳрида +18...+20 даража, қолган ҳудудларда +23...+25 даражагача илиқ бўлади.
16 август куни кундузи мамлакатнинг тоғли жойларида ҳаво ҳарорати +22...+27 даража, Тошкент шаҳрида +33...+35 даража, Фарғона водийси вилоятларида +31...+36 даража, қолган ҳудудларда +37...+38 даражагача иссиқ бўлади.
«Ўзгидромет» маълумотига кўра, 16 августга ўтар кечаси ва 16 август куни кундузи Ўзбекистоннинг тоғли ҳудудларида, Тошкент, Самарқанд, Жиззах, Сирдарё, Андижон, Наманган, Фарғона вилоятлари ва Тошкент шаҳрида қисқа муддатли ёмғир, момақалдироқ кузатилиши, шамолнинг тезлиги сониясига 17—20 метргача кучайиши мумкин.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)