Rossiya prezidenti Vladimir Putin 9-avgust kuni Sankt-Peterburgda turkiyalik hamkasbi Rajab Toyyib Erdo‘g‘on bilan o‘tkazilgan uchrashuvni konstruktiv deb baholadi. Bu haqda “Interfaks” xabar bermoqda.
Putinning ta’kidlashicha, ushbu uchrashuv ikki tomonlama munosabatlarning yanada rivojlanishida muhim ahamiyat kasb etadi.
“Turkiyadagi murakkab ichki siyosiy vaziyatga qaramay, janob Erdo‘g‘on Sankt-Peterburgga kelishga vaqt topdi, va bu qadam turkiyalik sheriklarimizning Rossiya bilan hamkorlikni tiklashga qiziqishini ko‘rsatadi”, — dedi Rossiya yetakchisi uchrashuv yakunlariga ko‘ra o‘tkazilgan matbuot anjumanida.
Putin Moskva uchun Anqara bilan aloqalarda ikki tomonlama munosabatlarning inqirozga qadar bo‘lgan darajasiga ko‘tarilish ustuvor yo‘nalish ekanligini qayd qilib o‘tdi.
Izoh (0)