Germaniyaning Gessen yerida istiqomat qiluvchi erkak lotereyada mamlakat uchun rekord bo‘lgan 84,8 million yevro miqdoridagi yutuqni qo‘lga kiritdi. Bu haqda, Westlotto kompaniyasi vakili Bodo Kemperning so‘zlariga asoslanib, “TASS” xabar bermoqda.
“Bu Germaniyadagi eng yirik lotereya yutug‘idir”, — tasdiqladi u.
Yangi millioner beshta raqamdan iborat kombinatsiyani hamda ikkita qo‘shimcha sonni to‘g‘ri topdi.
Eurojackpot lotereyasi 29-iyul kechasi Xelsinkida o‘ynaldi. Unda Yevropaning 17 davlati ishtirok etadi.
Germaniyaning ilgarigi rekordi shu yilning martida o‘rnatilgan edi — o‘shanda Shimoliy Reyn-Vestfaliya yeri fuqarosi 76,8 million yevro yutib olgan edi.
Eurojackpot’ning mutlaq rekordini o‘tgan yil mayida chexiyalik erkak o‘rnatgan edi — uning yutug‘i 90 million yevroni tashkil etgan edi.
Izoh (0)