Rio-de-Janeyroda 2016-yilgi Olimpiada o‘yinlarining tantanali ochilish marosimidan bir necha kun avval shaharda birinchi jahon rekordi o‘rnatiladi, deb yozadi TJournal. Bu Olimpiada arafasida rekonstruksiya qilingan portda sodir bo‘ladi.
Braziliyalik ko‘cha rassomi Eduardo Kobra uchun bu bir kishi tomonidan yaratilgan eng katta graffiti yo‘nalishida Ginnes rekordini o‘rnatishga urinishdir.
Kobra o‘zining 190 metrli san’at asari bilan butun dunyoni Rio-de-Janeyroga taklif qilmoqda.
U balandligi 15,5 metr, maydoni qariyb 3 ming kvadrat metrlik ulkan graffitidir. Panno 30-iyul kuni “Etnoslar” nomi ostida namoyish etiladi. Unga 100 gallonga yaqin oq va rangli bo‘yoq hamda kamida 3,5 mingta sprey ballonchasi sarf bo‘ldi.
Kobra to‘rt yordamchisi bilan ikki oy davomida kuniga 12 soatdan ishladi. Nashr ta’kidlashicha, u 2016-yilgi Olimpiada o‘yinlari uchun rasmiy poster yaratgan 13 rassomdan biridir.
Izoh (0)