Kaliforniyada kichik samolyotning qulashi oqibatida 4 kishi halok bo‘ldi

AQShning Kaliforniya shtatidagi Kolumbiya shahri aeroporti hududida 27-iyul, chorshanba kuni Cessna 310 kichik samolyoti qulashi oqibatida 4 kishi halok bo‘ldi. Bu haqda Tuolumi okrugi sherifining e’lon qilgan bayonnomasida ma’lum qilindi, deb xabar bermoqda “TASS”.

Hujjatda qayd etilishicha, shimol tomondan uchib kelayotgan havo kemasi qo‘nishni amalga oshirishi kerak edi. Aviahalokat yuz bergan joyda yong‘in sodir bo‘ldi. Yerda bo‘lgan odamlardan kimdir halok bo‘lgani haqida hozircha ma’lumotlar yo‘q.

AQSh Transport xavfsizligi milliy boshqarmasi hodisa yuzasidan surishtiruv ishlarini olib boradi.