Boy kishilar davlatini boshqaruvchi 3 Associates kompaniyasi Hindistonning Sahara Group kompaniyasidan Londondagi Grosvenor House mehmonxonasini, shuningdek, Nyu-Yorkning Plaza Hotel va Dream Downtown mehmonxonalari majoritar ulushlarini 1,3 milliard dollarga sotib olish taklifini kiritdi, deb yozadi “Interfaks”.
3 Associates xabarida aytilishicha, oldi-sotdi asosan Saudiya Arabistonidagi ism-sharifi oshkor qilinmayotgan oila mablag‘lari hisobiga amalga oshiriladi. Taklif uzoq vaqt davomida rejalashtirilgan, ammo funt sterlingning AQSh dollariga nisbatan kursi sezilarli tarzda pasaygach, uni tezlashtirishga qaror qilindi.
“Potensial oldi-sotdi sohadagi eng yirigiga aylanishi va London ko‘chmas mulk bozorining kelajagiga bo‘lgan ishonchni namoyish qilishi mumkin”, — dedi 3 Associates boshqaruvchi direktori Jesdav Saggar.
Sahara asoschisi, milliarder Subrata Roy tergovda bo‘lgani va mamlakatni tark etmaslik haqidagi tilxat bilan ozodlikda qolish uchun avgustga qadar 1,5 milliard dollar garov puli to‘lashi zarurligi tufayli, aktivlarni sotuvga qo‘ydi.
Izoh (0)