Yaponiyada o‘tgan hafta ichida jazirama oqibatida kamida ikki kishi halok bo‘ldi, yana 3 798 kishi quyosh urishi tufayli shifoxonaga yotqizildi. Bu haqda 26-iyul, seshanba kuni mamlakat Ichki ishlar vazirligi ma’lum qildi, deya xabar bermoqda “TASS”.
O‘tgan hafta jazirama tufayli shifoxonaga joylashtirilganlar soni dastlab kamaygan bo‘lsa, keyin havo haroratining biroz ko‘tarilishi oqibatida ushbu ko‘rsatkich ham ortdi. Bir hafta avval jazirama oqibatida uch kishi halok bo‘lgan edi.
Yaponiya meteorologik boshqarmasi jaziramaning avji iyul oxiri—avgust boshiga to‘g‘ri kelishini ma’lum qilmoqda. O‘tgan yili jazirama oqibatida mamlakatda 100 dan ortiq kishi halok bo‘lgan, yana 53 ming kishi shifoxonaga joylashtirilgan edi. Yapon meteorologlari kishilarga quyosh ostida ko‘p bo‘lmaslik, bosh kiyim kiyish va ko‘proq suyuqlik ichishni tavsiya qilmoqda.
Izoh (0)