O‘zbekistonning ayrim hududlarida 26-iyul, seshanba kuni yog‘ingarchilik va kuchli shamol kuzatilishi mumkin. Bu haqda “O‘zgidromet” markazi xabar bermoqda.
Xabar berishlaricha, seshanbaga o‘tar kechasi O‘zbekistonning tog‘li hududlarida +15...+20 daraja, Toshkent shahrida +22...+24 daraja, Toshkent, Samarqand, Jizzax, Sirdaryo, Andijon, Namangan va Farg‘ona viloyatlarida +20...+25 daraja iliq bo‘ladi.
Shuningdek, Qoraqalpog‘iston Respublikasi va Xorazm viloyatida havo harorati kechasi +22...+27 darajagacha, Buxoro, Navoiy, Qashqadaryo va Surxondaryo viloyatlarida esa +24...+29 darajagacha ko‘tarilishi mumkin.
26-iyul kuni kunduzi O‘zbekistonning tog‘li hududlarida havo harorati +27...+32 daraja, Qoraqalpog‘iston Respublikasi va Xorazm viloyatida +32...+37 daraja issiq bo‘ladi.
Shu kuni Farg‘ona vodiysi viloyatlarida havo harorati +41 darajagacha, Toshkent shahrida, shuningdek, Toshkent, Samarqand, Jizzax va Sirdaryo viloyatalrida +42 daraja issiq bo‘ladi.
Buxoro, Navoiy, Qashqadaryo va Surxondaryo viloyatlarida 26-iyul kuni kunduzi havo harorati +37...+42 daraja issiq bo‘lishi, viloyatlarning ayrim hududlarida harorat +44 darajagacha ko‘tarilishi kutilmoqda.
26-iyulga o‘tar kechasi va 26-iyul kuni kunduzi Qoraqalpog‘iston Respublikasi va Xorazm viloyatining ayrim hududlarida qisqa muddatli yomg‘ir yog‘ishi va momaqaldiroq bo‘lishi, shamolning tezligi esa kuchayishi mumkin.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)