Fransuz kinosining eng mustahkam juftliklaridan biri hisoblangan ikki ijodkor — 49 yoshli aktrisa Marion Kotiyar hamda 52 yoshli aktyor va rejissor Giyom Kane 18 yillik munosabatlardan so‘ng ajrashishganini ma’lum qildi. Bu haqda “Pravila jizni” xabar berdi.
Kotiyar va Kane bu qarorni ommaga oshkor qilishdan maqsad “turli taxminlar, mish-mishlar va soxta xabarlarning oldini olish” ekanligini aytishdi. Ular ajrim sababini ochiqlamagan, biroq bu qaror “o‘zaro kelishuv va hurmat asosida” qabul qilinganini bildirgan.
Ular rasman turmush qurgan emas, biroq ikki farzand: 14 yoshli Marsel va 8 yoshli Luizning ota-onasi hisoblanadi.
Foto: Pravila jizni
Juftlik 2007-yildan boshlab birga yashagan. Ular ilk bor 2003-yilda “Qo‘lingdan kelsa, sevib qol” filmida birga ishlagan. Bu film katta muvaffaqiyatga erishgan. Keyinchalik ular “So‘nggi parvoz” (2009) va “Abadiy yosh” (2017) filmlarida ham birga rol ijro etishgan.
Foto: “Pravila jizni”
Avvalroq xonanda Keti Perri va aktyor Orlando Blum 8 yillik munosabatdan so‘ng ajrashgani haqida xabar berildi.
Izoh (0)