Ўзбекистоннинг аксарият ҳудудларида 27 июль, чоршанба куни юқори даражадаги иссиқ ҳарорат сақланиб қолади. Бу ҳақда «Ўзгидромет» маркази хабар бермоқда.
Хабар беришларича, чоршанбага ўтар кечаси Ўзбекистоннинг тоғли ҳудудларида +17...+22 даража, Тошкент шаҳрида +23...+25 даража, мамлакатнинг қолган жойларида эса +27...+28 даражагача илиқ бўлади.
27 июль куни кундузи тоғли жойларда ҳаво ҳарорати +27...+32 даража, Қорақалпоғистон Республикаси ва Хоразм вилоятида +30...+35 даража, Бухоро, Навоий вилоятлари ҳамда Тошкент шаҳрида +34...+39 даражага иссиқ бўлади.
Шу куни Тошкент, Самарқанд, Жиззах, Сирдарё, Андижон, Наманган ва Фарғона вилоятларида ҳаво ҳарорати +37...+42 даражагача, Қашқадарё ва Сурхондарё вилоятларида эса +39...+44 даражагача кўтарилиши кутилмоқда.
27 июлга ўтар кечаси ва 27 июль куни кундузи Ўзбекистоннинг Фарғона водийси вилоятларидан бошқа барча ҳудудларида кучли шамол кузатилиши, шамолнинг тезлиги сониясига 20 метргача кучайиши мумкин.
Маълумот учун, 25 июль куни Самарқанд ва Термиз шаҳарларида ҳаво ҳароратининг иссиқлиги бўйича шу кун тарихидаги янги рекордлар қайд этилди.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)