Afg‘onistonda teraktda halok bo‘lganlar xotirasiga motam e’lon qilindi

Afg‘onistonda Kobuldagi namoyishda yuz bergan teraktdan so‘ng milliy motam kuni boshlandi. Teraktda 80 kishi halok bo‘ldi, 230 nafari yaralandi. Bu haqda “Interfaks” xabar bermoqda.

Terakt uchun javobgarlikni IShID terrorchilik tashkiloti zimmasiga oldi.

Mamlakat prezidenti Ashraf G‘ani televideniye orqali murojaatida portlashni uyushtirganlardan qasos olishga so‘z berdi.

BMTning Afg‘onistondagi missiyasi hujumni harbiy jinoyat deb atadi.

Eslatib o‘tamiz, 23-iyul, shanba kuni tushki payt “Ro‘shnoi” harakati norozilik namoyishi qatnashchilari chodirlari o‘rnatilgan Kobul markazidagi Dorulomon saroyi yaqinida portlash sodir bo‘lganligi haqida xabar berilgan edi.

IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.