Sitsiliya bo‘g‘ozida qutqarilgan muhojirlarning umumiy soni 2150 kishiga yetdi. Bu haqda Italiya qirg‘oq himoyasi xizmati ma’lum qildi, deya xabar beradi “TASS”.
Xizmatga ko‘ra, qirg‘oq himoyasi, harbiy-dengiz kuchlari, Yevropa missiyalari va jamoat tashkilotlari kemalari falokatga uchragan qayiqlarni qutqarish bo‘yicha 18 ta operatsiyani amalga oshirdi.
Italiyaga yil boshidan beri kelgan muhojirlar soni 60 ming kishidan oshdi. Shu bilan birga, ayrim OAVlarga ko‘ra, mamlakatning janubiy qirg‘oqlarini shimoliy Afrikadan ajratib turuvchi Sitsiliya bo‘g‘ozida 3 minggacha bo‘lgan kishi halok bo‘lgan bo‘lishi mumkin.
Izoh (0)