Seul Shimoliy Koreyaga yadro vositalaridan xoli bo‘lish masalasida xalqaro bosim kuchaytirilishini kutmoqda

Seul KXDRga yadro vositalaridan xoli bo‘lish masalasida xalqaro bosim kuchaytirilishini kutmoqda. Bu haqda Koreya milliy birlashish instituti prezidenti Che Jin Uk ma’lum qildi, deya xabar beradi “Interfaks”.

“Martda joriy etilgan hozirgi sanksiyalarning samarasi haqida gapirishga hali juda erta. Kutish, kuzatish va ularning ta’sirini tahlil etish lozim. Bizga bundan-da jiddiyroq xalqaro sanksiyalar zarur deb o‘ylayman. Shimoliy Koreyaga iqtisodiy ta’sir borasida tovar aylanishining 90 foizigacha to‘g‘ri keladigan Xitoy o‘ta muhim rol o‘ynaydi. Pekindan Pxenyanga kuchli bosimni, xususan, chegarada ular tomonidan sanksiyalar tartibiga rioya etilishi ayovsiz nazorat etilishini kutamiz”, — deya ta’kidladi Che Jin Uk.

Ekspertga ko‘ra, BMT sanksiyalari yetarlicha emas, shu sababli AQSh ikki tomonlama asosda shafqatsiz sanksiyalar qabul qildi. Muloqot tiklanishi uchun esa KXDR o‘zining yadroviy davlat bo‘lishga da’volarini to‘xtatishi zarur.