AQShning Illinoys shtatidagi Joliet shahrida 21-iyul, payshanba kuni yengil motorli samolyotning qulashi oqibatida uchuvchi halok bo‘ldi. Bu haqda ABC News xabar bermoqda.
Xabar qilinishicha, Piper PA30 havo kemasi uylardan biriga borib urilgan. Uyda istiqomat qiluvchilarning hech biri jabrlanmagan.
Hodisa joyida yong‘in kelib chiqdi. O‘t o‘chirish xizmati xodimlari qisqa muddat ichida yong‘inni bartaraf etdi. Samolyot qulashining sabablari va uchuvchining shaxsi hozircha aniqlanmagan.
Izoh (0)