Yaponiyada 11–17-iyul kunlari issiq urishi oqibatida 3099 kishi shifoxonaga yotqizildi, 3 kishi hayotdan ko‘z yumdi. Bu haqda mamlakat Ichki ishlar va aloqalar vazirligi ma’lum qildi, deb xabar bermoqda “TASS”.
Qayd etilishicha, bu ko‘rsatkich avvalgi haftaga nisbatan 1791 kishiga kamroq. Yaponiyaning ba’zi hududlariga issiq harorat biroz pasaydi, ammo aksariyat hududlarida harorat Selsiy bo‘yicha +30 va undan yuqori bo‘lib turibdi.
Yaponiya meteorologiya boshqarmasi bu yil yoz Tinch okeanidagi El-Ninyo va La-Ninya iqlim fenomenlari ta’sirida o‘ta haroratli kechishi, iyul oxiri va avgust boshlarida jazirama avjiga chiqishini taxmin qilmoqda.
O‘tgan yili mamlakatdagi jazirama tufayli 100 dan ortiq kishi halok bo‘lgandi, yana 53 ming odam shifoxonaga yetkazilgandi.
Meteorologlar odamlarga pana joylarda bo‘lishni, quyoshdan saqlaydigan bosh kiyimlarni kiyib, imkon qadar ko‘proq suyuqlik iste’mol qilishni tavsiya etmoqda.
Izoh (0)