OAV: Xitoyda gaz quvurining portlashi oqibatida 2 kishi halok bo‘ldi

Markaziy Xitoyning Xubey provinsiyasidagi Enshi shahri yaqinida bugun, 20-iyul kuni gaz quvuri portladi. “Sina” portaliga tayanib, “TASS” agentligining xabar qilishicha, hodisa oqibatida 2 kishi halok bo‘ldi, 3 nafari jarohat oldi.

Ayni damda voqea joyiga politsiya va o‘t o‘chirish xodimlari yetib kelgan. Mahalliy hukumat rasmiylari hodisa sabablarini o‘rganmoqda.

Voqeaning boshqa tafsilotlari haqida hozircha hech qanday ma’lumot yo‘q.