BMT bosh kotibi Pan Gi Mun a’zo davlatlar rahbarlarini 21-sentabr kuni Nyu-Yorkda, xalqaro tashkilot shtab-kvartirasida bo‘lib o‘tadigan iqlim bo‘yicha Parij kelishuvini ratifikatsiya qilish marosimida ishtirok etishga taklif etdi. Bu haqda bosh kotib rasmiy vakili o‘rinbosari Farhan Haq ma’lum qildi, deya xabar beradi “TASS”.
“BMT bosh kotibi barcha mamlakatlar yetakchilarini 21-sentabr kuni iqlim o‘zgarishi bo‘yicha Parij kelishuvi ratifikatsiyasi, qabul qilinishi, ma’qullanishi yoki qo‘shilishi haqidagi yorliqlarni taqdim etish marosimiga taklif qildi. Mazkur tadbir bunga hali ulgurmagan davlatlar uchun kelishuvni 2016-yil oxirigacha ratifikatsiya qilish haqida oshkora va’da berishga imkon yaratadi”, — deya ta’kidladi Farhan Haq.
Davlat rahbarlariga yo‘llangan maktubda BMT bosh kotibi mamlakatlarni Parij kelishuvi qisqa muddatlarda kuchga kirishiga erishishga chaqirdi. Uning fikriga ko‘ra, bu tashlanmalar hajmini qisqartirish bo‘yicha va’dalar bajarilishini boshlashga turtki bo‘ladi, iqlim o‘zgarishlariga qarshi kurash choralarini qo‘llab-quvvatlash jamiyat va ishlab chiqaruvchilar tomonidan kuchayishiga olib keladi.
Izoh (0)