16-iyulga o‘tar kechasi Turkiyada bir guruh harbiylar hukumat organlari, aeroport va asosiy axborot kanallari binolarini birin-ketin qo‘lga ola boshladi. Bosfor bo‘g‘ozidan o‘tadigan ko‘priklar yopildi, mamlakat boshqaruvini harbiylar qo‘lga olgani ma’lum qilindi, harbiy holat va komendantlik soati joriy etildi.
Ammo amaldagi prezident Rajab Toyyib Erdo‘g‘on tarafdorlari bo‘lgan o‘n minglab odamlar ko‘chalarga chiqqani bois harbiylarning rejasi amalga oshmay qoldi. Politsiya va harbiy tuzilmalarning katta qismi rasmiy hukumat tomonida turib isyonchilarga qarshi kurashni boshlab yubordi.
Ilgariroq voqea joyida tushirilgan “qaynoq” kadrlardan iborat fotojamlanmani o‘quvchilarga taqdim etgan edik. O‘tgan vaqt ichida butun mamlakat bo‘ylab amaldagi hukumat nazorati tiklandi. Qurbonlar soni keskin ortib, oxirgi ma’lumotlarga qaraganda, 265 kishini tashkil etmoqda. Shuningdek, isyonchilar yetakchisi qo‘lga olindi.Shu munosabat bilan “Gazeta.ru” yangi fotokadrlarni e’lon qildi. Quyida ular bilan tanishishingiz mumkin.
Izoh (0)