Bugun, 16-iyul kuni Devis Kubogining Osiyo/Okeaniya mintaqalari ikkinchi saralash bosqichi doirasida tennis bo‘yicha O‘zbekiston terma jamoasi Xitoy termasiga qarshi navbatdagi bahsini olib bordi. Bu haqda “Sports.uz” xabar bermoqda.
Denis Istomin va Farrux Do‘stov juftligi xitoylik Chje Li va Mao-Sin Gun tandemiga qarshi bahs olib bordi. 2 soatu 35 daqiqa davom etgan bellashuvda 6:4, 3:6, 6:3, 6:4 hisobi qayd etilib, o‘zbekistonlik tennis juftligi foydasiga hal bo‘ldi.
Mazkur g‘alabadan so‘ng O‘zbekiston terma jamoasi 2:1 hisobida oldinga chiqib oldi.
Ertaga, 17-iyul kuni hal qiluvchi bahslar bo‘lib o‘tadi. Unda Denis Istomin Chje Chjanga qarshi, Farrux Do‘stov esa Di Vuga qarshi kortga chiqadi.
Izoh (0)