Biz siz bilan sayyoraning ob-havo har mavsumda o‘ziga xos jihatlari bilan bizni “siylaydigan” qismida yashaymiz, O‘zbekistonga yoz kelgan ekan, jazirama kunlarda qanday yashash haqida gaplashamiz. Borgan sari ko‘proq odamlar uyda harorati ko‘chadagi jaziramadan hech bo‘lmaganda 10—15 darajaga pastroq bo‘lgan qulay muhitni yaratish uchun ochiq darchadan esayotgan yelvizak yetarli emasligini anglab bormoqda.
Vaziyatdan chiqib ketishning eng oddiy yo‘li — ventilyator. Ammo u havoni salqinlata olmaydi, u shunchaki siz yo‘naltirgan tomonga qarata havo puflaydi, xolos. So‘nggi vaqtlarda “mikroiqlimli ventilyatorlar” paydo bo‘ldi, ular havo oqimiga juda mayda suv tomchilarini ham qo‘shadi, biroq bunday uskuna uchun maydon katta bo‘lishi kerak — xonadon yoki kichik uy unga torlik qiladi.
Aqlga keladigan birinchi narsa — konditsioner. Bu yerda ham “lekin”siz tura olmaymiz — u “konditsioner tumovi”dan boshlanib, toza havo yetishmovchiligi bilan yakunlanadi, chunki ushbu texnologiya xonaning yopiq bo‘lishini talab qiladi, busiz iloj yo‘q. Shu tufayli, konditsionerni yoqish, salqinlatgunicha kutish, so‘ng oynalarni ochib, xonani shamollatish va barchasini boshidan boshlashga to‘g‘ri keladi. Elektr energiyasi sarfini hisoblagich uskunangiz esa bu paytda g‘ir-g‘ir aylanib, soatiga 1 kilovatt va undan ko‘proq elektr tokini yutib ketadi. Va, albatta, salqinlatish uchun ishlatiladigan xladagent moddasi zaharli bo‘lib, yildan-yilga bug‘lanish xususiyatiga ega.
Salqin havoga maqbul narxda ega bo‘lish mumkinmi?
Endi mumkin. Bunday qurilma havo sovitgich, aniqrog‘i evaporator-sovitgich deb ataladi. U mavjud yechimlardan nimasi bilan farq qiladi va uning afzalliklari nimada? Buni tushuntirishga harakat qilamiz.
Oddiy tajriba o‘tkazib ko‘ramiz. Qo‘lingizni ho‘llang, so‘ng unga puflang, shunda qo‘lingiz soviganini his qilasiz. Suv havo oqimi ta’sirida tezroq bug‘lanadi va o‘zi bug‘lanayotgan yuzani faollik bilan sovuta boshlaydi. Bu fizika — u bilan bahslashish befoyda. Birinchi qavatdagi qo‘shnilarimiz hovliga suv sepganida ham shu effektni his etamiz — havo salqinroq bo‘lib qoladi. Havo sovitgichda ham taxminan xuddi shu holat sodir bo‘ladi.
Suv maxsus idishga quyiladi, so‘ng esa maxsus nasos orqali ari ini ko‘rinishiga keltirilgan ilma-teshik materialga yuboriladi. Ventilyator u orqali havoni haydaydi, bug‘lanayotgan suv esa oqimni sovitadi va xonada qulay haroratni yuzaga keltiradi. Bir vaqtning o‘zida ham oddiy, ham mohirona.
Shu bilan birga, havo sovitgich derazalari ochiq bo‘lgan xonada ishlatilishi mumkin va shart: u xonada havoni salqinlatish va namlantirish bilan birga, havo aylanishini ham yaxshilaydi. Xonangizda havo doim toza bo‘ladi, shuningdek, unda chang va turli allergen zarrachalar kamroq bo‘ladi — nam havoda ular o‘ziga namlikni tortib oladi va yuzalarga o‘tirib qoladi, ular havoga qaytib ko‘tarilmaydi.
Havo sovitgich “mikroiqlimli” ventilyatordan nimasi bilan ustun?
Birinchidan, u samaraliroq tarzda sovitadi, ikkinchidan esa, havo oqimida sezilarli noqulaylikni keltirib chiqaruvchi yirik suv tomchilari bo‘lmaydi.
U konditsionerdan nimasi bilan afzal?
Buni sanab o‘tsak, kattagina ro‘yxat tuziladi.
Birinchidan, “bortdan tashqaridagi”, toza havo qo‘llaniladi.
Ikkinchidan, sovitgich havoni quritmaydi, aksincha, uni namlantirib, nafas olish uchun yoqimliroq va foydaliroq qiladi — allergen zarrachalar haqida yuqorida aytib o‘tganmiz.
Uchinchidan, namlangan havo uy jihozlariga kamroq zarar yetkazadi, ular qurib yorilib ketmaydi.
To‘rtinchidan, sun’iy haroratli quruq sovuq havo oqimi tagida o‘tirib, “konditsioner tumovi”ga chalinish xavfi yo‘q.
Beshinchidan, havo sovitgich elektr energiyasini 5—10 marta kamroq sarf qiladi (masalan, oddiy konditsioner 1000 Vt va undan ko‘proq tok “yesa”, Symphony sovitgichlari 80—100 Vt elektr energiyasini xarjlaydi).
Oltinchidan, sovitgich konditsionerdan 3—4 marta arzonroq.
Yettinchidan, sovitgichni u yoqdan bu yoqqa ko‘chirish mumkin: u ma’lum bir joyga qotirib qo‘yilmaydi va bir xonadan ikkinchi xonaga bemalol olib o‘tish mumkin.
Sakkizinchidan, sovitgichni o‘rnatish uchun malakali xodim talab qilinmaydi. Siz fen yoki dazmolni o‘rnatish uchun usta chaqirmaysiz-ku, to‘g‘rimi? Bu yerda ham xuddi shunday: olib kelasiz, qutisini ochasiz, idishiga suv solasiz, rozetkaga ulaysiz — bo‘ldi, endi foydalanish mumkin
To‘qqizinchidan, sovitgichdan hatto ko‘chada ham, masalan, ayvon yoki hovlida foydalanish mumkin.
Qanaqa sovitgichni tanlagan ma’qul?
Yaqindan boshlab bizning bozorda uydagi iqlim uchun mo‘ljallangan mahsulotlar sohasida dunyodagi yetakchi markalardan biri — Symphony sovitgichlari sotuvga chiqdi.
Agar sizga kichik ofis yoki kabinet uchun mos tushadigan “shaxsiy” sovitgich kerak bo‘lsa, Silver-i seriyasini qarab ko‘ring.
Agar xonadon yoki kichikroq uy uchun havo sovitgich tanlamoqchi bo‘lsangiz, DIETi yoki Storm seriyasidagi qurilmalar sizga to‘g‘ri keladi.
Agar katta uy yoki ochiq joyda (qahvaxonadagi yozgi ayvon, hovlidagi shiyponcha) qulay muhit yaratmoqchi bo‘lsangiz, Winter-I seriyasiga qiziqib ko‘ring.
O‘ylaymizki, havo sovitgichning bizning iqlimdagi afzalliklarini baholab, to‘g‘ri tanlovni amalga oshirasiz hamda uyingizda toza, salqin va, asosiysi, foydali havodan ko‘p yillar bahramand bo‘lasiz.
O‘zingizni qiziqtirgan barcha savollarga quyidagi telefon raqamlari orqali javob olishingiz mumkin:(+998-97) 400-39-99(+998-90) 984-58-68
Reklama huquqi asosida. Xizmatlar litsenziyalangan.
Izoh (0)