Биз сиз билан сайёранинг об-ҳаво ҳар мавсумда ўзига хос жиҳатлари билан бизни «сийлайдиган» қисмида яшаймиз, Ўзбекистонга ёз келган экан, жазирама кунларда қандай яшаш ҳақида гаплашамиз. Борган сари кўпроқ одамлар уйда ҳарорати кўчадаги жазирамадан ҳеч бўлмаганда 10—15 даражага пастроқ бўлган қулай муҳитни яратиш учун очиқ дарчадан эсаётган елвизак етарли эмаслигини англаб бормоқда.
Вазиятдан чиқиб кетишнинг энг оддий йўли — вентилятор. Аммо у ҳавони салқинлата олмайди, у шунчаки сиз йўналтирган томонга қарата ҳаво пуфлайди, холос. Сўнгги вақтларда «микроиқлимли вентиляторлар» пайдо бўлди, улар ҳаво оқимига жуда майда сув томчиларини ҳам қўшади, бироқ бундай ускуна учун майдон катта бўлиши керак — хонадон ёки кичик уй унга торлик қилади.
Ақлга келадиган биринчи нарса — кондиционер. Бу ерда ҳам «лекин»сиз тура олмаймиз — у «кондиционер тумови»дан бошланиб, тоза ҳаво етишмовчилиги билан якунланади, чунки ушбу технология хонанинг ёпиқ бўлишини талаб қилади, бусиз илож йўқ. Шу туфайли, кондиционерни ёқиш, салқинлатгунича кутиш, сўнг ойналарни очиб, хонани шамоллатиш ва барчасини бошидан бошлашга тўғри келади. Электр энергияси сарфини ҳисоблагич ускунангиз эса бу пайтда ғир-ғир айланиб, соатига 1 киловатт ва ундан кўпроқ электр токини ютиб кетади. Ва, албатта, салқинлатиш учун ишлатиладиган хладагент моддаси заҳарли бўлиб, йилдан йилга буғланиш хусусиятига эга.
Салқин ҳавога мақбул нархда эга бўлиш мумкинми?
Энди мумкин. Бундай қурилма ҳаво совитгич, аниқроғи эвапоратор-совитгич деб аталади. У мавжуд ечимлардан нимаси билан фарқ қилади ва унинг афзалликлари нимада? Буни тушунтиришга ҳаракат қиламиз.
Оддий тажриба ўтказиб кўрамиз. Қўлингизни ҳўлланг, сўнг унга пуфланг, шунда қўлингиз совиганини ҳис қиласиз. Сув ҳаво оқими таъсирида тезроқ буғланади ва ўзи буғланаётган юзани фаоллик билан совута бошлайди. Бу физика — у билан баҳслашиш бефойда. Биринчи қаватдаги қўшниларимиз ҳовлига сув сепганида ҳам шу эффектни ҳис этамиз — ҳаво салқинроқ бўлиб қолади. Ҳаво совитгичда ҳам тахминан худди шу ҳолат содир бўлади.
Сув махсус идишга қуйилади, сўнг эса махсус насос орқали ари ини кўринишига келтирилган илма-тешик материалга юборилади. Вентилятор у орқали ҳавони ҳайдайди, буғланаётган сув эса оқимни совитади ва хонада қулай ҳароратни юзага келтиради. Бир вақтнинг ўзида ҳам оддий, ҳам моҳирона.
Шу билан бирга, ҳаво совитгич деразалари очиқ бўлган хонада ишлатилиши мумкин ва шарт: у хонада ҳавони салқинлатиш ва намлантириш билан бирга, ҳаво айланишини ҳам яхшилайди. Хонангизда ҳаво доим тоза бўлади, шунингдек, унда чанг ва турли аллерген заррачалар камроқ бўлади — нам ҳавода улар ўзига намликни тортиб олади ва юзаларга ўтириб қолади, улар ҳавога қайтиб кўтарилмайди.
Ҳаво совитгич «микроиқлимли» вентилятордан нимаси билан устун?
Биринчидан, у самаралироқ тарзда совитади, иккинчидан эса, ҳаво оқимида сезиларли ноқулайликни келтириб чиқарувчи йирик сув томчилари бўлмайди.
У кондиционердан нимаси билан афзал?
Буни санаб ўтсак, каттагина рўйхат тузилади.
Биринчидан, «бортдан ташқаридаги», тоза ҳаво қўлланилади.
Иккинчидан, совитгич ҳавони қуритмайди, аксинча, уни намлантириб, нафас олиш учун ёқимлироқ ва фойдалироқ қилади — аллерген заррачалар ҳақида юқорида айтиб ўтганмиз.
Учинчидан, намланган ҳаво уй жиҳозларига камроқ зарар етказади, улар қуриб ёрилиб кетмайди.
Тўртинчидан, сунъий ҳароратли қуруқ совуқ ҳаво оқими тагида ўтириб, «кондиционер тумови»га чалиниш хавфи йўқ.
Бешинчидан, ҳаво совитгич электр энергиясини 5—10 марта камроқ сарф қилади (масалан, оддий кондиционер 1000 Вт ва ундан кўпроқ ток «еса», Symphony совитгичлари 80—100 Вт электр энергиясини харжлайди).
Олтинчидан, совитгич кондиционердан 3—4 марта арзонроқ.
Еттинчидан, совитгични у ёқдан бу ёққа кўчириш мумкин: у маълум бир жойга қотириб қўйилмайди ва бир хонадан иккинчи хонага бемалол олиб ўтиш мумкин.
Саккизинчидан, совитгични ўрнатиш учун малакали ходим талаб қилинмайди. Сиз фен ёки дазмолни ўрнатиш учун уста чақирмайсиз-ку, тўғрими? Бу ерда ҳам худди шундай: олиб келасиз, қутисини очасиз, идишига сув соласиз, розеткага улайсиз — бўлди, энди фойдаланиш мумкин
Тўққизинчидан, совитгичдан ҳатто кўчада ҳам, масалан, айвон ёки ҳовлида фойдаланиш мумкин.
Қанақа совитгични танлаган маъқул?
Яқиндан бошлаб бизнинг бозорда уйдаги иқлим учун мўлжалланган маҳсулотлар соҳасида дунёдаги етакчи маркалардан бири — Symphony совитгичлари сотувга чиқди.
Агар сизга кичик офис ёки кабинет учун мос тушадиган «шахсий» совитгич керак бўлса, Silver-i сериясини қараб кўринг.
Агар хонадон ёки кичикроқ уй учун ҳаво совитгич танламоқчи бўлсангиз, DIETi ёки Storm сериясидаги қурилмалар сизга тўғри келади.
Агар катта уй ёки очиқ жойда (қаҳвахонадаги ёзги айвон, ҳовлидаги шийпонча) қулай муҳит яратмоқчи бўлсангиз, Winter-I сериясига қизиқиб кўринг.
Ўйлаймизки, ҳаво совитгичнинг бизнинг иқлимдаги афзалликларини баҳолаб, тўғри танловни амалга оширасиз ҳамда уйингизда тоза, салқин ва, асосийси, фойдали ҳаводан кўп йиллар баҳраманд бўласиз.
Ўзингизни қизиқтирган барча саволларга қуйидаги телефон рақамлари орқали жавоб олишингиз мумкин:(+998-97) 400-39-99(+998-90) 984-58-68
Реклама ҳуқуқи асосида. Хизматлар лицензияланган.
Изоҳ (0)