Indoneziya armiyasiga tegishli vertolyot Yava orolidagi qishloq ustiga quladi

AQShning Bell Helicopter kompaniyasi ishlab chiqargan, Indoneziya armiyasiga tegishli vertolyot Yava orolidagi Jokyakarta maxsus ma’muriy okrugida quladi. Bu haqda “TASS” xabar bermoqda.

Halokat oqibatida uch kishi qurbon bo‘ldi, uch kishi yaralandi.

Voqea mahalliy vaqt bilan soat 15:35 da sodir bo‘ldi. Bortida olti harbiy xizmatchi bo‘lgan vertolyot aholi yashash punktiga quladi, bu ikkita uyning vayron bo‘lishiga olib keldi. Harbiylarning uch nafari halok bo‘ldi.

Halokat sabablari o‘rganilmoqda.